Verse 1:
Bakit ka nagpupuyat? Anong ginagawa mo sa labas?
Ano ang ginagawa mo ng ganitong oras? Wala pa ba sayong naghahanap
Ayoko sana na maging istorbo sa iyong pagsasaya, alam ko naman na merong ganap
Pero ang magulang mo ngayon malamang nag aalala, dapat umuwi ka nang maaga
At hindi naman yun para lang sa kanila, alam mong madilim na sa kalsada
Iniwanan ka na ng iyong mga kasama, mataas ang tsansa mo ngayon na mapahamak
Minor de idad ka palang, pero ang lakas mo nang makainom
Sabihin nalang nating masarap talagang tama ng alak pero mga kasama mo'y masasama ang intensyon
Chorus (3x):
Alas tres ng madaling araw asan ka na ba?
Verse 2:
Bakit ka nagpupuyat? Anong ginagawa mo sa labas?
Ano ang ginagawa mo ng ganitong oras? Wala na ba sayong naghahanap?
Alam ko na masarap maging kolehiyala, pakiramdam mo ay alam mo na lahat
Ang pag iinom ay iyo nang napagaralan, kaya dyan ka nalang bumabagsak
Ang baon na binibigay sayo ng yong magulang, ginastos mo nalang lahat sa toma
Sila'y pinunong puno na, hindi naman nagkulang pero sumosobra ka na
Kailan ba hihinto yan?
Wala ka na bang balak na pumasok? Kaya tinutulugan mo'y harap ng sinaraduhang pintuan
Imbis na matapos ang pagaaral, tinapos mo ang yong kinabukasan
Bridge:
Anong oras ka na ba matutulog?
Makinig ka sana sakin kung sakaling mahuhulog na
Bakit nakaposas ka na sa kamay niya
Umuwi ka na, anong oras na, anong oras na
Repeat chorus (4x)
Verse 3:
Bakit ka nagpupuyat? Anong ginagawa mo sa labas?
Ano ang ginagawa mo ng ganitong oras? Ang dami na sayong naghahanap
Bakit ba nakatayo ka lamang sa kalsada at iba't ibang bubong ang tinitingala?
Nakapangalis pa tuwing madaling araw, nagbibihis para lang mahubaran
Masyado ka naman atang na nalulong sa alak, wala nang ibang mapagkakitaan
Ang yong katawan ay iyong ipinapahamak sapagkat yan na ang tawag mo sa iyong kasiyahan
Ba't pinabayaan ang yong sarili, ba't hindi malaman, sakali na maisip
Na kaya mo pa na sumigaw at pumiglas, kumawala pero pinili mo nalang na manahimik
Repeat bridge
Verse 4:
Bakit ka nagpupuyat? anong ginagawa mo sa labas?
Ano ang ginagawa nila ganitong oras? Ngayon lang kitang nakitang humiga
Ngayon na't nakapikit nang yong mga mata, sana sayong buhay ika'y naging masaya
Dati ay marami pa sayong naghahanap, ngayon ay alam na namin na wala ka na
Repeat chorus (4x)
