Chorus (2x):
Di kakayanin na magpanggap at iwasan ang tunay na nararamdaman
Pagkat ikaw ang pinili ng puso, hindi ako susuko
Verse 1:
Paano nga ba ulit ito sisimulan
Awit na kay tagal ko nang hinintuan
Bahala na kung hindi nila magustuhan
Mahalaga'y masabi ko eksaktong nilalaman
Katinuan hinahanap ko kung nasaan
Nang makilala ka'y hindi ko maintindihan
Ang mga pananaw na aking nilagdaan
Binalewala at ikaw na lamang naging basehan
Masalimuot na bahagi ng pagibig
Ang pagtatalo ng puso at isip
Ayaw mo na sa reyalidad, ngunit pagpikit ay kapiling mo pa rin sa panaginip
Tulad natin na palagi ang tampuhan
Pagtatalo na nauuwi sa hiwalayan
Parang may sakit na kalimot pag nagkita't
Nagkayakap lalo na't masimulan pa ang tawanan
Repeat chorus
Verse 2:
Bukas ikaw ang panalo
Mamaya ay ako naman
Sisihan at sagutan, walang kinapupuntahan
Isip lang ba'y pambata? Kaya di magkasundo?
Parehas na sitwasyon sa iba kinahinatnan ng sumuko
Ika ng matatanda, parte to ng paghahanda
Sa mas mabigat na pagsubok na di natin inakala
Hihigpitan ko pa ang kapit, para sakin ang pinakamabigat
Na hamong kakaharapin ay ang mawala ka hindi ko na
Maisip maghanap at ulitin ang lahat ng pangyayari
Repeat chorus
Verse 3:
Mahal kita, kahit gaano kagalit
Tuwing bwisit binabalaang pagpapalit
Sa huli sakin ka pa rin dumidikit
Tinig ko lang ang tangi mong nais marinig
Paumanhin kung minsan ay napakakulit
Siyang dahilan bakit ulo mo'y umiinit
Gusto ko lang samantalahin at masulit
Bawat segundo na kasama ka sabay halik
Sa dinami-dami ng anomalya
Tamang hinala saki'y nagpapakaba
Di maiwasan pag sakin ay malayo ka hanggang may magsasabing
Bukambibig mo'y walang iba kundi ako
Wala ka nang ibang hangarin
Maski na tutol lahat ng nakapaligid satin
Anumang gusot ay pagtutulungang ayusin
Basta't sa kinahapunan ikaw ang kasalo ko kumain
Repeat chorus
