Verse 1:
Habang pumipihit ang kapalaran
Sing init ng nilalakaran ang ngiti mo na dala
Ano mang pilit sa sarili na di muling iibig
Ay biglang isang umagang nawala
Dahil sayo, sa eksensang ganito
Sa loob ng isang maluwag na jeep papuntang kanto
Pagitan ay malayo pero pilit ko na inabot
Ang pamasahe mo kay kuya drayber na nakakunot
Alam na inayos polo na gusto sabay ngiti
Mga paandar na usog hanggang sayoy mapatabi
At nang ika'y makatabi na handa na kong pumorma
Bigla bigla ka nalang bumigkas ng mama para
Akala ko wala ng chansa pero ikaw ay bumalik
Muling pumanik, pinausog mo ko ng yong tapik
At anong kadahilanan iyong nakabanggaan
Taong galit sayo na inggit ang pinagmulan
Naghanap ng kakwentuhan at bwenas mo kong napili
At sabi mo pwede bang saglit ka na manatili
Ito namang si ako porket nadali ng ngiti
Wala nang pili-pili kung oo o hindi
Hanggang sa makarting tayo doon sa may dulo
Na may pader na makulay at may nakasulat na Hiphop
At sabi mo yun ang yong pangalan
Salamat Dropp at ako'y iyong sinamahan
Mula noon lagi na tayong magkasama
Maaraw maulan samahan ka di nakakasawa
Taon ang lumipas tayo'y nagkagustuhan
Pero walang titulo tagal ng pinagsamahan
Hiphop alam kong naririnig mo to
Salamat sa lahat lalo na sa mga turo mo
Pano maging matatag at mas bukas ang isip ko
Mahal kita pero ano ba talaga tayo
Chorus:
Wala nang paligoyligoy pa ito
Sige nga derechuhin mo nga ngayon ako
Kitang kita naman sa dalawang mata mo
Gusto ko lang sambitin ng mga labi mo na
Nandito lang ako
Gusto rin kita, please wag kang lumayo
Maaraw man, walang tila ang ulan
Isang tawag lang papunta na ko diyan
Verse 2:
Pano nagsimula?
Narinig kita at ako’y napatula
Nang makilala kita, ramdam ko na nung pagkabata
Ikaw at ako, ako ikaw ay isa, nakatadhana
Hanggang sa lalong napaibig
Pagkain sa kaluluwa ang dulot ng iyong bawat paghimig
Binusog mo sa tunog hanggang sa natutong lumikha ng mga tinig
Sumama sa iyo kahit hindi alam saan ang punta
Alam ko lang ay masaya kapag kasama kita
Magarang ikot ng mundo di alintana
Alam ko kasi andyan ka lamang para aking mapagsumpungan
Salamat sa lahat ha
Ganto na lang palagi sana
Kahit alam ko namang walang forever
Mahal kita hiphop, I will leave you never
Bridge:
Ano bang meron ka na wala sa iba
At patuloy kang inaalayan ng oras
Sakripisyo wala sakin iyon
Kasi nga mahal kita
At siguro nga sayo ko'y naka tadhana
Handa kang awitan kahit umaga
Sasamahan ka hirap at ginhawa
Oooh ikaw na nga
Repeat chorus (2x)
