Verse 1:
Personang pinosas sa paglayas inaagaw
Mabibigat na oras sa madadaling araw
Gabi gabing kasiping lungkot na kaulayaw
Laging pinapalalim poot na nasa babaw
Halo halong takot gawang kaba ginahasa
Mga tanong sa pag-tataka lang nagnanasa
Ginawang magpasagasa pero buhay pa rin
Sarili'y binigti, ginawa na ring lunurin
Tumalon sa building, pati na rin lasunin
Naglaslas na ng leeg, ako'y buhay pa rin
Aking kaluluwa'y sinadya na ring sunugin
Humandusay sa tulay at ako'y buhay pa rin
Aking paghinga'y pilit pinapatigil
Sinasakal sarili, nilulunok na ang daliri
Sinusukang buhay ang wakas paulit ulit
Ngunit ako'y buhay pa rin, ako'y buhay pa rin
Verse 2:
Kaibigan kaibigan wag ka munang bumitaw
Wag mong pakikinggan ang mga sumisigaw
Di pa takdang oras para ikaw ay lumitaw
Bilang balitang ang landas ay naligaw
Magsilabasang ang pamilyang tila nag sipag artista
Kakapatulo, kakapunas ng mga panggap na luha
Saan sila nanggaling eto ang di ko makuha
Bakit wala sila nung kinakailangan mo kausap
Ang hahaba ng litanya sila ba'y nagluluksa
Tila patalastas lang ang iyong pagkawala
Pagkatapos malibing, balik ulit sa dati
Back to normal na parang wala ring nangyari
Hindi ka kawalan para eksena ay baguhin
Mundo ay entabladong lahat lamang panauhin
At kung buhay mo lamang nais mong papanoorin
Ito'y isang palabas na di ko kayang tapusin
Verse 3:
Ito'y tulang maaring hindi na gawa gawa
Maaaring mangyaring ito'y katha ng pagngawa
Para lang amining ubos na kanyang saya
Pwede ring sabihing ito'y gimik lang pala
Patiwakal na imaheng nais magpapansin
Anuman ang totoo hindi ko 'to aaminin
Wala kong pakialam sa mga bakasakali
Di ko sasabihing "please save me, I'm dying"
Di kailangan ng tulong, hindi ako sinungaling
Sa panloloko ng iba dun lamang nahumaling
Ekspertong magkunwaring lahat ay ayos lang
Ito'y parte ng album para matapos lang
Di ako nagbibiro, sakin ka ba maniniwala
Masarap mabuhay oo, huwag mo nang ipaalala
Lilitaw din ang sagot, wag kang atat na alamin
Ito'y kathang isip lamang kung ako'y buhay pa rin
