Verse 1:
Ang pinilakang tabing na sariling atin
Natabunan ng mga telenovela na pinilit lang ang dubbing
Walang palabas at mas madalas mag patalastas
Sa aming telebisyon biglang inisip ko ang aking
Kinabukasan na parang inihip lang ng hangin
Ako ay Pilipino sa isip at damdamin
Pero bakit ka mahilig sa Chinito at Chinita
Dramathon sa hapon kasama si tito at si tita
At kuya at si ate at katulong na parating natutulog
Pag malapit na maluto ang sinaing
Huminahon ka itay baka ka mabulunan
Sa laki ng binayad mo wala kong natutunan
Ni kapiranggot mula nung unang baitang
Pumapasok lang ako para mangutang kay ma'am
Ng pambili ng kanin, chicken adobo
Araw-araw ganito nakaka-bobo
Chorus:
Lahat ng nakikita ko nakaka-bobo
Kahit nakapikit ako nakaka-bobo
Lahat ng nakikita ko kahit nakapikit ako
Nakaka, nakaka, nakaka-bobo
Lahat ng nakikita ko nakaka-bobo
Kahit nakapikit ako nakaka-bobo
Lahat ng nakikita ko kahit nakapikit ako
Nakaka, nakaka, nakaka-bobo
Verse 2:
Pulitiko na nasa showbiz posible na pala
Ang dami nang artista sa pulitika tanga!
Bobo, inutil, walang pinag-aralan
Hangal, hunghang sino bang pinagmanahan
Uto-uto, sunud-sunuran sa kung anong makita ng mata
Upang mapansin ka ng madla
Para masabi lang na in ka sa mga pormang petmalu
In da loop sa chika chuvaneski chorva eklavu
Mga chismis na nahuli na ng isang dekada
"Richard Gomez at Lucy Torres sila na nga ba?"
The who itong starlet na ang suso lumabas
Wag na wag mong ililipat susunod na sa The Buzz
Wowowee sinong di mawiwili
Makakakita ka ng mga natapakan sa tv
Habang kinakain mo yung kanin, chicken adobo
Ayoko ng ganito nakaka-bobo
Repeat chorus
Bridge:
Takot kang magtanong takot kang magpaulit
Takot ka ring lumapit sa guro mo na masungit
Takot kang magtanong takot kang magpaulit
Kaya pala takot ka magsagot sa pagsusulit
Kala mo alam mo to kala alam mo yan
Kala mo porket tagalog puro lang kabaduyan
Kala mo porket mahirap ka hanggang diyan ka na lang
Kala mo alam mo na lahat wala ka pang alam
Verse 3:
Kasi lahat ng nakikita mo akala mo tama
Maghapon ka sa tv mo na nakatunganga
Nakapangalumbaba simula pa nung bata
Di naman importanteng magpakadalubhasa
Ang sakin lang naman ikaw ay malinawan
Wag na wag mong gawing dahilan ang kahirapan
Maniwala, pero wag umasa sa himala
Wala pang nananalo sa lotto na di tumataya
Kaya palayain mo ang utak mong nakakulong
Mas masahol pa sa bobo ang bobong nagmarunong
Kung ang pag-iisip para sayo'y nakakangawit
Ibenta mo ang utak mo kung di mo ginagamit
Wag kang magalit kung laman ng bao ay ampaw
Pilipino lang ako pag nananalo si Pacquiao
Pag narinig ko yung kanin, chicken adobo
Nakaka-indak kahit nakaka-bobo
Repeat chorus and bridge
Outro:
Nakaka-bobo
Nakaka-bobo
Nakaka, nakaka, nakaka-bobo
Nakaka-bobo
Nakaka-bobo
Nakaka, nakaka, nakaka-bobo
