Verse 1:
Di naman lahat ay banal pag nasa simbahan
Yung iba balat kayo, sumasanto, nagdadasal-dasalan
Di porket madilim, walang imik, akala mo sagrado na
Yung iba inaatupag na matono pag ungol na kinabisa
Di naman lahat ng nasa oblo napatunayang ang sala
Yung iba nagbabayad sa kasalanang di naman niya ginawa
Di naman lahat ng burdado ay laging masama
Madalas may ginintuang puso sa sining na tinta na nilikha
Kaya wag mo naman husgahan panlabas na kaanyuan
Di kasi sukat ang lalim ng libro baka malunod na di mo alam
Di naman lahat ng nasa harap mo ay laging totoo
Yung iba nagpapanggap titirahin ka pagkatalikod mo, di naman lahat
Chorus (2x):
Di naman lahat, di naman lahat
Di naman di naman, di di naman lahat
Di naman lahat, di naman lahat
Di naman di naman, di di naman lahat
Verse 2:
Di naman lahat ng masaya ngiting matamis makikita
Yung iba abutan mo ng panyo luha pumatak sa sobrang saya
Di naman lahat ng tula may aral na mapupulutan
Sa pag tagay mo naumay ka ayaw mo nang mamulutan
Hindi naman lahat ng mahal emosyon lang ang puhunan
Yung iba napapamura pa sa mahal na ng gastusan
Di naman lahat ng yong nais matutupad sa isang pitik
Bagkus magsumikap ka, yakapin ng buo para ito'y makamit
Di naman lahat ng baliw ay nasa pagamutan
Yung iba nakatamabay lang pabida, nagkalat diyan sa mundo ng lansangan
Di naman lahat ng Adan dito ay manloloko
Pasensya ka na lang Eba pinairal katapatan na ang uso
Repeat chorus
Bridge:
Di naman lahat ng aking mga minungkahe
Ay tama at tugma sa iyong nais na masabe
Mahirap lang para sakin minsan ito idetalye
Lalo na sa tulad ko na lumaki din ng kalye
Verse 3:
Di naman akma, hinubog na kataga
Inisip ang palagay bago mahalaga
Wag mo nga lahatin o manipulahin
Sadyang may bagay mahirap intindihin
Ugh, pero teka, pambihira
Pwede ba maghunos-dili ka na muna
Mali ba o tama?
Ipaglaban na ang iyong paniniwala
Di naman lahat ng akala, akala na laging pinagpapala
Palabiro ang buhay minsan mahirap magtiwala
Wala ang kanyang husay kung kaalaman ay salat
Kaya ang dunong ipasa para sama sama ang lahat, sama sama lahat
Repeat chorus (4x)
