Verse 1:
Damit mo'y lukot na
Napahigpit siguro yakap niya sayo bago ka dito pumunta
Teka parang peke iyong tawa, hindi makubling malungkot ka
Naka ilang ulit ka na ba nagpalit ng iyong punda?
Nangangalumata
Ilang magandang tanim na ba
Ang nalagay sa kanya?
Ngayon nasan na sila?
Merong mga nagtagal pero kalaunan ay nangamatay, nalanta
Totoo ika'y maganda
Pero di ibig sabihin ikaw ay palamuti lang
Bat di mo pigilan ang sarili mo na magtiis masaktan para sa sayang panandalian?
Puso mo'y tila nabalot na ng andap
Pero pagyapos mo sakin ay tunaw na agad
Nagtanim sayong puso ng isang bulaklak
Nandito ka pa sana hanggang ito na ay mamukadkad
Hook (2x):
Sakin mo nalang itanim ang
Puso mo at wag nang pitasin pa
Ng iba kahit na hindi sigurado kung gusto ka ba nila
Verse 2:
Damit mo'y lukot na
Pasensya kung napahigpit ang yakap ko sayo bago ka sa kanya pumunta
Kung maaari nga, dito ka lagi at
Nang makita niyang nilulubog niya dati umaani na ngayon
Totoong mas maganda ka kung
Pagmamasdan kasama niya kaya lang
Pag nagkataon
Walang ganda't parang natuyot ka naubos ang talulot sa lapag ka mapupulot dahil ika'y patapon
Bumagsak ka man ay handang saluhin at alagaan
Kahit ako'y lupa na laging inaapakan
Kasabay ng pagpatak ng iyong luha ay ang pag iyak ng ulap
Lalo kang itatayo't aalalayan
Ubos na ang lahat wala nang natira sayo
Durog mong puso inakala mo na siya ang bubuo
Lagas na ang lahat, naiwan kang humihikbi
Walang kasiguraduhan kung mahal ka niya o hindi
Repeat hook
