Verse 1:
Dagat ang ating pagitan kaya di ka malapitan
Di mahalikan di matabihan at di masabihan
Ng harapan na mahal kita di ka mabisita
Di makita ng mata sa mata kaya may kaba
Na baka magkaiba ka pa't mag iba ka na/
Di magpakitat sabihin saking "mag isa ka na!"
Kasi may nahanap na't may ibang kahawak na
Ng kamay at kaakbay ay di ako mapalagay
Hindi mapakaling di ka katabi sa gabi
Di makatulog para bang akoy sabog sa kape
Sabi nga nila "pare ba't ka ba nagtitiis?"
Magbihis ka na lang tara tayo na'y mag Libis"
Pero nakakainis! Kahit gumigimik ako
Naiinip ako at kahit na pinipilit kong
Magliwaliw, di maaliw at di mapunuan ang kulang
Kasi sa gabi ang katabet yakap ko lang ay unan
At pag umuulan at langit di tumatahan
Nakakabuwang lalo na't puso'y kumakalam
Sa gutom sa halik at yakap mong di ko matikman
Kaya walang magawa kundi ang litrato mo'y tingnan
Kasi...
Verse 2:
Dagat man ang pagitan ay di yan mamagitan
Sa init ng pagmamahalan at sa pamamagitan
Ng tiwala maniwala ka walang makakasira pa
Wag ka nang maghinala pa at di ako sisira pa
Sa pangako, di ipapako di mapapagod
Maglingkod di tatalikod para matulog sa ibang bakod
Sa tukso di papahulog di papatalo sa libog
Kahit mamangha sa ibang hubog di mamamangka sa ibang ilog
Sapagkat kahit nasa kabilang dagat ka man
Di magagawang saktan ka kaya sumasagwan pakanan
At di na liliko to binabagtas iyong harapan
Ang puso ko di malilito to binibigkas iyong pangalan
Sana nga lang magkita na para di nahihirapan
Para di nag iiyakan at di naghihinalang
May iba ang isa kasi nag iisa at may ibang
Nagkalat dyang winawasak ating iniingatan
Pero wag mong bibitwan kamay ko hawak ka lang
At kung may manira man hay naku tawa na lang
Inggit lang sa atin ang mga walang karapatan
Na tayoy nagmahalan kahit pagitan ay karagatan
