Verse:
Kahit isang daang pusang itim ang dumaan saking harapan
Ako'y sweswertehin pa rin kung karahasan ang labanan
Walang katapusang kamalasan ang alay ko sa mga ingrato
Sila'y aktwal na mapupugutan at hindi lang sa litrato
Gusto mong maabot ang aking antas? Ika'y madidisgrasya
Hagdanan na iyong aakyatin ay magtatapos sa mata
Sa aking pagdating tiyak mauulit ang Plaza Miranda
Dahil hindi tinidor ang mahuhulog kundi mga granada
Para maiwasan ang sumpa, dapat kang matutong rumespeto
Ikaw ay mag tabi tabi po kapag tatawid saking imperyo
Panay kagat ko sa aking dila kaya madugo ang mga dura
Palibhasa ako ang laging bukambibig ng mga bobo sa tula
Pag kayo'y aking pinaalis hindi ko iikutin ang plato
Ito ay babasagin sabay isasaksak ko sa pagmumukha niyo
Banat niyo ay duplikado, kalasag niyo ay hindi gagana
Walang talab ang asin sa dala kong negatibong enerhiya
Kayo ay mahihina, habang ako'y batikan na sa digmaan
Patuloy na humihinga kahit nasa gitna ako ng larawan
Inyong kaluluwa ay wala ring ligtas sa kasamaan ko
Mga paru paro na bibista ay sa pader ko ipapako
Sa sobra niyong balimbing wala na kayong mararating
Baliktarin niyo man ang suot kayo'y maliligaw pa rin
Wag na kayong magpaka higante mga permanante na bano
Nung tinulugan niyo istilo ko ay hinakbangan ko kayo
At sa pagpasok ko sa laro, agad winasak ang mga hadlang
Hindi ako nag tao po kasi ako'y mas malakas na nilalang
At kung makabasag ako ng salamin walang madaramang kaba
Mas masaya dahil dadami pa ang mga patalim ko na dala
Etong mga gutom sa atensyon ay sinadya kong busugin
Upang sila ay todo bangungutin at hindi na magising
Malaking pagkakamali ang pagduda sa aking abilidad
Maniwala ka sa pamahiin kapag ako na ang nagpatupad
Chorus (2x):
Bawal ang hindi orihinal, bawal umupo sa aking trono
Ako ang iyong hamunin kung gusto mong malasin nang todo
Magiging mapanganib kapag sinubukan mong sumapaw
Ako ang iyong pakinggan kung gusto mo nang pumanaw
