Verse 1:
Sa pag-atake ng mga balwarte doon talaga ako magaling
Aking pagkatao madilim kahit anino ko napa-praning
Walang ni-isang kantang malamya, lehitimong berdugo to
Sino ang aking impluwensya? Yung mga boses sa ulo ko
Ang daming nanghihila pababa, magkita tayo sa impyerno
Handa na libingan niyo ako'y masipag na sepulturero
At sa mga idolo niyo, mababa pa rin ang aking pagtingin
Sila ay titingilain ko lang pagkatapos kong bigtiin
Huwag ka nang umasang makarinig ng mga hugot na bara
Binaril ko bigla si Cupido nung naglabas siya ng pana
Oo, walang kabuhay-buhay mga sinusulat kong talata
Dahil marami ang namamatay, kwaderno ko'y maling akala
Patalikod ka ba manira? Pwes ilalabas ko ang katana
Sabay hiwa sa mukha para maging permanenteng doble kara
Stilo ko masyadong mahiwaga, kaya itinuring na banta
Mga bersikulo ko ay nagmumulat ng ikatlong mata
Lahat ay itutumba, bawat kritisismo'y imbalido
Yang sinasabayan niyong agos ay biglang magiging asido
Ganyan ang mararanasan mo pag ako ay kinalaban mo
Patong-patong na mga bungo ang nagsisilbing entablado ko
Kahit ako ay pumanaw na, aktibo pa rin sa larangan
Sapagkat maghahanap lang ako ng panibagong sasapian
At kung ikaw ay nabwisit sa mga linya kong binatawan
Gagamit ako ng palakol upang buksan ang iyong isipan
Chorus:
Ayaw mo sa ganito? Yung mga bara na pumapaslang?
Ayaw mo sa mga berso na brutal ang nilalaman?
Ayaw mo sa lirikalan? Kaya ka ba nabubuang?
Isa lang ang ibig sabihin nyan, isa kang mahinang nilalang
Mas gusto mo ba yung mga awiting pumapatok sa masa?
Mas gusto mo ba yung mga gasgas at malalambot na tema?
Mas gusto mo ba pakinggan yung mga madali lang sabayan?
Isa lang ang ibig sabihin nyan, isa kang mahinang nilalang
Verse 2:
Subukan mong tapatan ang aking husay sa pamiminsala
Mapapa kapit ka sa patalim gamit ang iyong bunganga
Puro bano na ang mga nasa tuktok, lagot kayo sakin
Para akong mina... magpapasabog mula sa ilalim
Lumaki nung dekada nobenta, sinisigawan ng piawsi
Ang mga peke sa industriya bago sila iwaksi
Mala Pooch ang aking galawan sa bawat duelong pinasok
Dahil pag ako ay lumilitaw may mga umaalulong na aso
Matira matibay ba kamo? Yan ang paboritong kong laro
Magunaw man ang planeta mananatili pa ring nakatayo
Bakit daw ako nagtagalog ulit? Hindi lang dahil mas brutal
Kundi para mas lalong mabwisit ang lahat ng mga sosyal
Kung sa sariling wika ay talagang wala kayong bilib
Hihilahin ko dila niyo mula sa laslas sa inyong leeg
Sino ba kasi nagbigay ng mikropono sa mga bobong to?
Dumadami nga kayo pero pare-pareho naman ang tono niyo
Ang maagaw ang trono ko ay ilusyon lamang mga gago
Yan ay suntok sa buwan pagkatapos maputulan ng braso
Mersernaryo ng koponan ng kamao, kayo'y sumaludo
Balisong ko ay parang payo ito'y inyong isasapuso
Ibabalik ko kayo sa panahon ng purong lirisismo
Mga papogi at pabida sa eksena ay mabibisto
At ano daw ang matututunan ng kabataan sa mga rima ko?
Magistigil nga kayo, hindi ako ang magulang niyo!
Repeat chorus
