Chorus:
Hindi palaging nakakakilig
Hindi lang puro yakap at halik
Hindi lang puro lambing at ngiti
Ang pag-ibig ay may ibang mukha
Hindi ito tso-ko-late at rosas
Hindi ito yung magtatanggal ng posas
Hindi ito yung magsisilbi na lunas
Ang pag-ibig ay may ibang mukha
Verse 1:
Mahal kitaaa, kahit na hindi mo 'ko kilala
Ako yung gabi gabing sumisilip sa bintana
Pinagmamasdan ang iyong maganda na postura
Anuman ang suot mala prinsesa ang itsura
At kapag ika'y maghuhubad at maliligo
Ako'y titingin pa rin wag lang sanang mabibisto
Hahawakan ang sarili at gagawa ng mga imahe
Yung tayo'y nakahiga at ang katawan mo ang putahe
Matagal na kitang gustong... kausapin, kaso nga lang
Parang may malaking pader na palaging nakaharang
Pero sapat na ang sinusundan kita... araw-araw
Para sakin ikaw ay akin hanggang sa ako'y pumanaw
Meron ka nang iba, alam ko na 'to nung simula palang
Sana'y mabait siya sayo lagi at hindi ka sasaktan
Pero pag ikaw ay niloko, ako'y magagalit nang todo
Magigising kang katabi ang kanyang pugot na ulo
Repeat chorus
Verse 2:
Mahal kitaaaa, pero may mahal din akong iba
Pasensya ka na, di ko 'to mapigilan talaga
Pero hindi ibig sabihin na wala ka nang halaga
Meron lang mga araw na gusto ko mu-nang magpahinga
Sa madalas na away natin na napaka babaw ang rason
Ating pagsasama ay unti unting nagiging konsomisyon
Sayo pa rin naman ako uuwi pagkatapos ng lahat
Nais ko lang na maramdaman ulit ang tunay na sarap
Yung malupit na pagtatalik na hindi inaalala
Kung ano ang kinabukasan natin at iba pang mga abala
Gusto kong ibalik ang ginhawa at tanggalin ang drama
Ayoko ko rin mag sawa, kaya iba iba ang kinakasama
Kaya sana, maintindihan mo tong pinagdadaanan ko
Pakibaba na rin yang kutsilyo na hinahawakan mo
Baka pwede pa natin to pagusapan na walang masasaktan
Para sayo ako'y magbabago pero panandalian lang
Repeat chorus
Verse 3:
Mahal kitaaa, kahit madalas ay nakakairita
Ito yung oras na gusto kitang mawalan ng hiniga
Sino yung kausap mo kanina? Ako ay naiinsulto
Aking mga kamao ang sisira sa matigas mong ulo
Masyado ka nang lantaran diyan sayong mga kalokohan
Landian sa kaliwa't kanan kaya eto ang kaliwa't kanan
Subukan mo mang magpaliwanag, ako'y magbibingi bingian
Pag di ka pa tumahimik ika'y itutulak ko sa hagdanan
At kung sumigaw ka ng saklolo, dyan mas magiging malubha
Sisiguraduhin ko na madadagdagan pa ang 'yong mga pasa
Ikaw pa rin ang luluha kahit na ako ang magkasala
Sa relasyon na pinasok natin ako lang palagi ang tama
At bakit patuloy kitang sinasaktan sa bawat hidwaan?
Dahil kahit sobrang sakit hindi mo ako iniiwanan
