Verse 1:
Salamat at nand’yan ka pa
Kahit nag-alisan na sila
Di mo ako iniwan, hindi ka umalis
Di mo tinalikuran, hindi ka nainis
Sinamahan mo ako
Ngayong mag-isa ako
Walang-wala nang ilalaan
Dalang-dala, buti na lang
Chorus:
Binuhat mo ako no’ng 'di ko na kaya pang tumayo
Sa’king mga paa (Ah-ah-ah)
Niyakap mo ako no’ng ang buhay ko'y tila gumuho
Ayoko na
Verse 2:
Sa lahat ng aking mga nilapitan
Hindi ka lumayo, ikaw ang nakapitan
Ang tanging nasabihan ng lahat
Mga hinanakit ko na kagat-kagat
Buhat-buhat nila ang bigat, bakit ako lang ang may pasan?
Laging salungat sa mga inaasam-asam
Tibay mo ang siyang nagbibigay sa akin ng pag-asa
Tuwing pait na lamang ang natitikman na lasa
Sa buhay ko na madaya, sadyang mapanlinlang
Kalungkutan sa ligaya ang tunay na matimbang
Ang natitira na lamang ay ang kaisa-isang
Karamay, aakayin ka na walang katuwang
At hindi ka bibitawan kahit ga’no katarik
Maglalaho ang sakit pagkatapos ng halik
Wala nang bawian, pagkat 'di na pwedeng ibalik
Ang ibibigay ko sa’yo'y sadyang walang kapalit
Kahit masakit
Chorus:
Binuhat mo ako no’ng 'di ko na kaya pang tumayo
Sa aking mga paa (Ah-ah-ah)
Niyakap mo ako no’ng ang buhay ko'y tila gumuho
Ayoko na
Binuhat mo ako no’ng 'di ko na kaya pang tumayo
Sa aking mga paa (Ah-ah-ah)
Niyakap mo ako no’ng ang buhay ko'y tila gumuho
Kung meron lang iba
Outro:
Sinamahan mo ako
Ngayong mag-isa ako
Walang-wala nang ilalaan
Dalang-dala, dito na lang
